ਪੰਜਾਬੀ ਗਾਡਰ ਸਟੇਟਸ - (Punjabi Status) facebook Instagram Status 2018

 ਜਦੋਂ ਇੱਕ ਵਲੈਤ ਦੀ ਗੋਰੀ ਬੀਬੀ ਦਾ ਦਿਲ ਪੰਜਾਬੀ ਗੱਭਰੂ ਤੇ ਆ ਜਾਂਦਾ , ਤਾਂ ਓਸ ਗੱਭਰੂ ਲਈ ਓਹ ਬੀਬੀ ਪੰਜਾਬੀ ਵੀ ਸਿੱਖ ਲੈਂਦੀ । ਫਿਰ ਓਸ ਬੀਬੀ ਨੂੰ ਪੰਜਾਬੀਆਂ ਦੇ ਪਿੰਡ ਠਾਠ-ਬਾਠ ਬਾਰੇ ਪਤਾ ਲੱਗਦਾ ਤਾਂ ਉਹ ਜਾਨਣ ਲਈ ਉਤਸੁਕ ਐ ਕਿਉਂ ਇਹ ਲੋਕ ਵਿਦੇਸ਼ਾਂ ਚ ਆਣ ਕਿ ਰੁਲ਼ਦੇ ਨਵਾਬਾਂ ਵਾਲੀ ਜ਼ਿੰਦਗੀ ਛੱਡ ਕਿ ।

"ਮੈਂ ਸਿੱਖੀ ਪੰਜਾਬੀ ਤੇਰੇ ਲਈ ,

ਓਦਾਂ ਅੰਗ੍ਰੇਜ਼ੀ ਬੋਲਾਂ ਮੈਂ,

ਅੱਜ ਵੇ ਤੇਰੇ ਨਾਲ ਚੰਨਾਂ

ਗੱਲ ਦਿਲ ਦੀ ਖੋਲਾਂ ਮੈ,

ਮੈ ਦੇਖਣਾ ਵਿੱਚ ਵਲੈਤਾਂ ਦੇ

ਨੌਕਰ ਕਿਉਂ ਬਣਦੇ ਨੇ

ਜੋ ਹੁੰਦੇ ਨੇ ਪਿੰਡ ਨਵਾਬ ,

ਇੱਕ ਵਾਰੀ ਹੈ ਵੇਖਣਾ

ਦੱਸ ਤੇਰਾ ਕਿਹੋ ਜਿਹਾ ਪੰਜਾਬ

ਹਾਣੀਆਂ ਕਿਹੋ ਜਿਹਾ ਪੰਜਾਬ ।।

ਇਥੇ ਕਿਸ਼ਤਾਂ ਨਾਲ ਹੈ ਬਣਦਾ,

ਹੁੰਦਾ ਛੋਟਾ ਜਿਹਾ ਜੋ ਦਰ ,

ਮੈਂ ਵਿੱਚ ਫੋਟੋਆਂ ਵੇਖਿਆ ,

ਤੇਰਾ ਪੰਜ ਲਾਟਾ ਵਿੱਚ ਘਰ ,

ਇੱਥੇ ਤੂੰ ਕਰਦਾ ਏ ਜੀ ਜੀ

ਉੱਥੇ ਤੈਨੂੰ ਹੋਵੇ "ਜਨਾਬ "

ਿੲੱਕ ਵਾਰੀ ਹੈ ਵੇਖਣਾਂ

ਦੱਸ ਤੇਰਾ ਕਿਹੋ ਜਿਹਾ ਪੰਜਾਬ ,

ਹਾਣੀਆਂ ਕਿਹੋ ਜਿਹਾ ਪੰਜਾਬ ।।

ਗੱਲਾਂ ਸੁਣਦੀ ਤਾਜੀ ਸਬਜੀ ਦੀਆਂ

"ਫਰੋਜਨ ਫੂਡ" ਨਾ ਲੱਗੇ ਸਵਾਦ

ਤੇਰੇ ਖੇਤਾਂ ਵਿੱਚ ਸਰੋਂ ਖਿੜਦੀ

ਨਾਲੇ ਲਹਿਰਾਉਂਦਾ ਹੈ ਕਮਾਦ ,

ਕਿੰਝ ਲੱਸੀ ਤੇ ਮੱਖਣ ਬਣਦਾ

ਨਾਲੇ ਤੋੜੀ ਵਾਲਾ ਸਾਗ ,,

ਇੱਕ ਵਾਰੀ ਹੈ ਵੇਖਣਾਂ

ਦੱਸ ਤੇਰਾ ਕਿਹੋ ਜਿਹਾ ਪੰਜਾਬ ,

ਹਾਣੀਆਂ ਕਿਹੋ ਜਿਹਾ ਪੰਜਾਬ ।।

ਇੱਥੇ ਗੋਰੇ ਨਾਂ ਧੀ ਤੋਰਦੇ

ਤੇ ਨਾ ਨੂੰਹ ਹੀ ਘਰ ਲਿਆਉਂਦੇ,

ਮੈਂ ਵੇਖਣਾਂ ਧੀ ਤੋਰ "ਉਥੇ "

ਕਿੰਝ ਮਾਰ ਕੇ ਭੁੱਬਾਂ ਰੌਂਦੇ ,

ਸੰਘਿਆਂ ਦੇਖਣਾ ਜਾ ਕਿ ਖੂਹ ਤੇਰਾ

ਨਾਲੇ ਵੇਖਣੇ ਸਾਰੇ "ਰਿਵਾਜ "

ਇੱਕ ਵਾਰੀ ਹੈ ਵੇਖਣਾਂ

ਦੱਸ ਤੇਰਾ ਕਿਹੋ ਜਿਹਾ ਪੰਜਾਬ,

ਹਾਣੀਆਂ ਕਿਹੋ ਜਿਹਾ ਪੰਜਾਬ ।।